701 Stadsbestuur van Utrecht 704-37 / 44 Utrecht pdf 18-05-2017 pag. 1

 

Anno XV c vijftich des donredach den XX en martij

Dat voer ons quamen intg[r]echte Willem, Splinter Arijaen, Wouter ende Ida, Peter Luijtgenssz
wedue kijnderen vercregen bij Anthonia sijn huijsfrou ende vertegen mit handen Jan
Petersz ende Willem Willemsz alse mombers hem bij gesciet van den schout ende
burgemeijsteren der stadt van Utrecht tot t behoeff Anthonia hoer moeder van alle goets
erffenisz ende besterffenis ruerende ende onruirende gelt gout zulver gemu[n]t ende ongemu[n]t
schult ende onschult alze hem in enijgewis aengecomen ende bestorven soude moeg[e]n
wesen overmits dood Peter Luijtgenssz goers vaders die Anthonia hoers moeders vers[zegde]
man wes te wesz plach saliger gedachten ende sij geloefden mede mit handen
voirg[enoemd] alse dat sij mede buijten Utrecht tot behoef Antonia hoer moeder voersz[egd]
vetijen sellen als rechts is van alle goets erfenis ende besterffenis in manieren voersz[egd]
over all-in allen gerechten soe van die goeder[en] geleg[e]n sijn ende dair des van noede ende
behoeff wesen zelle ende hem aldair aengecome[n] ende bestorven sijn over mits doode
Peter Luijtgenssz hoers vaders voers[zegd] so wanneer Anthonia voersz[egd] ofte hoer erfgen[amen] den
voersz[egde] kijnderen ofte hoeren mombers voersz[egd] des vermanen ofte vermanen doen
zonder arch

j stj bzj

bij versz[egde] Geert
brugge
 

 

Dat voer ons quam int gerechte Anthonia, Peter Luijtgensz wedue ende verplach mit
hoers gekoeren mombers handt dat sij mit recht ende mit ordele aenquam Willem
Splinter Arijaen, Wouter ende Ida hoer kijnder[en] voirgen[oemd] bij Peter Luijgenssz hoere[n] man voersz[egd]
alse voer de erffenisse ende besterffenijsse hoers vaders dair voan sij op datum van dese voir den
schout en[de] schepene[n] t Utrecht int gerecht mit handen hoer mombers ver tot hoer behoeff
vetegen sijn elcx van hem twee hondert goede gouden karolus keijsers gulden van volre gewichte
van datum van dess gemunt ende geslagen stuck van twijntich stuivers off paeijment
dier werden daer voer inder tijt der betalinge te betaelen elcke kijnt sijn paert ende deell
van den penningen voirsz[egd] soe wanneer sij tot hoer mu[n]digen daigen gecomen zullen wes[en] en
hier en bijnnen zoe geloefden Anthonia voorsz[egd] mit handen voirgen[oemd] die voersz[egde] kijnderen te
houden in hoeren huijse ende coste hoir gevende hoir behoefte van eten ende drincken
vuer ende licht onder ende over cleden ende schoen ter scholen houden gaende ende een
ambacht laten leren alse redelick ende moegelicks daer endet tot hoeren mundige daigen om
t gewijn van den gelde voersz[egd] ende Anthonia voersz[egd] sell oick betaelen ofte mit recht
verantworden alle schult doot schult testmanent ende vervaet alse die voersz[egde] kijnde[r]en
eenichsins gebueren soude mogen te gelden over mits doode Peter Luijtgensz hoers vaders voersz[egd]
ende wairt saicke dat die voersz[egde] kijnder ofte hoer mo[m]vers tot eniger tijt begeerden verden
inden penningen ende gelde voersz[egd] gevesticht te wes[en] alse dat Anthonia voersz[egd] hem
alse dan dair voerder inne vestigen sell als recht is uuit goet goet bijnneoff buijten Utrecht
gelegen dair sij wel aengehouden werdis sal werden ende die voersz[egde] penningen etlx tot hoeren
mundigen daigen vast ende seekeraen wesen zellen soe wanneer die voersz[egde] kijnderen ofte
mombers die wes[en[ Anthonia hoer moeder des vermanen ofte vermanen doen sonder arch

j stj bzj

bij Wille[m] Willems
ende Gaerdt b rugge
 

Homepage | E-mail