Houten keij[ze]^r ma[ajestei]^t gezz[]
eerffpachtbrieff van Luijtgen Wouterssz va[n] drie stuck lants
halden[de] ontrent VIIJ merge IJ hont de data XIIIJ^c LXXXIIIJ

Ick Luijtgen Wouterssz doe kondt en[de] kenlick allen^goeden luijden mit desen teghenwordigen brieve
voir mijn en[de] mijne[n] erven en[de] naecomelingen dat ick ontfangen hebbe in eene[n] eewigen
erffpacht vanden eerweerdigen en[de] geestlicken heren Johan van Drongelen landtcomen
deur van der balij van Utrecht en[de] van sijnen co[n]vent va[nde] Utrecht van den Duijtscher
oirde drije stucken lants gelegen in den gherechte van den Goije en Houte[n] dair boven
dat ene stuck houdende ontrent sevendalven merge[n] naest gelant is die papelicke
proenen van houten en[de] beneden dat co[n]vent van[de] oudtwijck buijte Utrecht ith[em] tander
stuck houden[de] enen mergen[n] deur boven naest galant de papelickeproene van Houte
voirsz[egd] en[de] beneden die landtscomendeur voirs[zegd] ith[em] dat derde stuck houden[de] omtrent vijff
hondt landt dair is boven naist gelant Hendrick Groot Jan Eeerstsoens erve[n] ende bene
den dat convent van oudtwijck voirsz[egd] elcxs elcxw ijaers dit voirsz[egde] lant om vier oude vranc
rijcksche scilde drieendertich stuivers voirden ouden scildt twee groet vleemsch voirden
stuve gerekent off ander goet paijeme[n]t dair voir inder tijt der betalinge the betale[n]
alle jair die een helfte op sinte martijns dach inden wijnter toecomen[de] en[de] dander
helfte op sinte peters dach ad cathedra[m] dair naist volgende off bijne[n] eenre maent
nae elcken termijn onbegreepe[n] en[de] soe voirt jairlicx en[de] ewelick vrij ende
comerloes the leveren then duijtschen huijse t Utrecht den landcomendeur inder tijt
off sijnen stassenair en[de] den dijck totten voirsz[egde] landen behoiren[de] the beware buijten
des orders cost en[de] scade ende voirt sonder enighe affcortinge van dijcken van sluijse
van watergange van booden van scattinge van ouden off van nijewenwarck van ope[n]
waeden van opene[n] oirlogen en[de] van all dat opt voirsz[egde] lant come[n] off geseth mach
werden mervielen inbreecken van dijcken van opene waeden off va[n] opene[n] oirloge
soe dat me[n] dit voirsz[egde] lant een jair lanck nijet bruijckenen moch soe salmen mij
dan doen alsmen boven en[de] beneden doet bij goeden ma[n]nen voirt sijnt voirwairdt
dat ick off mijne erve[n] en[de] nacomelingen dair dese erffpacht op come[n] sall dit voirs[zegd]
lant in geenre vreemde hant brengen en stellen noch nijet splijten off deijlen
en sellen buijten wille end[ comsent des lantcomendeurs inder tijt wesende mer
het sall altijt comen en[de] blijven op eene persoen een mans persoen voir voir een vrouwe
persoen dair die enen nae sijn die dan inder tijt is mede sijnt voirwaride tot wat
tijden desen voirsz[egde] erffpacht versterft en[de] verhandt wert soe sall die gheene dair
desen erffpacht dan op compt altijt come[n] binnen jaers en daechs dair nae bij den
lantcomendeur inde tijt en[de] gheven eene gouden pennick en[de] geven aen[de] dan
nijewe brieven spreeckende en[de] inhoudende als desen brieff dat buijten de oirders coste
behouwelicken en[de] met sulcken voirwaerden dat die ghende dair desen boirsz[egde] erffpacht
nae mijne doet op comt sijne ander broeders en[de] susters behoirlick verstervinge
inden anderen gemeijne goeden doen sall voirt sijnt voirwairde wairt saick dat

Houten

pacht alle dinge sonder argelist in kennisse der wairheit heb ick mijne segell aen
deesen brieff gehangen ende hebbe voirt onder meeder vestenisse wille gebeden den
eersamen Willem van Scaijck van Oesterum desen brieff mede over mij the willen
besegelen t welck ick Willem van Scaijck voirsz[egd] om bede van Luijtgen Wouterssen
voirsch[reven] geerne heb gedaen en[de] mijne segell aen desen brieff gehange int jair
ons heeren duijsent vierhondert vierendtachtich veerthien dage in octobrj

collationata pns[] copie ad suo
originalij fteste me noto jnfrasuipto
hieronimo Joh[ann]is notario ssht[?]

 
concordat pns[] copia cum suo originali
teste me Lamberto Elborch infrascorpt
Lambertus Francken de Elborch not[ari]s ssht[?]