Ick Wolther Aertsz lije ende kenne as dat ick voir mij ende voor mijne erven van den eirwerdighen ende vromen hern
here Wolther van Amstell van Mijnden lantcomenduer d[e]r balijen van Utrecht Duijtsches oirdens gehuert ende in
pacht ontfange hebbe vier hont lants gelegen t Odijck soe groit ende cleijn als ick die laist gebruijckt hebbe
thien jair lanck an een gedurende ingaende Petri ad Cathedram anno XVe negendtwintich des jairs
om anderhalff mud weijts goit coopmans goit op een geoitgen[?] nae den alre beesten ende een cappoen
ende een pont rijs te betaelde die helffte vander weijn mijt de cappoen ende pont rijs op sunte
Martensdach inden wijnter ende d ande[re] vanden weijt Petrj ad Cathedram dair naistvolgende off binne
verthiendaege nae elcke termijn begrepe ende alsoe van't jairlicx van termijn tot termijn dese voirsz[egd] __n
affcortinge van dijcken van damme van sluijsen van waetergangen van herebede van schattinge ende
van all dat opt voirsz[egde] landt come off geseth mach warde nijet wijthgesondert met wairt saicke datter
woorde ape oirloghe off ape waijen soe datmen dit voirsz[egde] landt nijet gebruijcke noch besiege en mochte
soe salme mij dair inne doen alsmen bove en beneden doit ende dit voirsz[egde] landt sal ick Wolther voirsz[egd]
bewaren ende onderhouwe buijten wille ende consent des huerman schuldich is van doen noch an nijemants t vreemders
te verbrenge of verpachte buijten wille ende consent des lantcomanduers inde tiet mijt voirwairden wairt
saicke dat ick Wolther voirsz[egd] desen voirgen[oemde] pacht jairlicx opte termijne nijet en betailde ende die
andere voirwairde nijet en hielde noch voildede als die voirgeschreve staen soo sal ick Wolther voirsz[egd]
off mij erffgen dair die versumenijsse bij geschiede vervallen wesen van dese huere ende voirt van
alle rechte ende toesegge dat ick tot den daeghe toe anden voirsz[egde] lande gehadt mocht hebben
Soe vere als die lantcomand[eur] dat weder an hem nemen will ende anders nijet ende soe mach
die lantcomand[eur] inde tiet dit voirsz[egde] landt ende dese huer vrij weder an hem neme ende sijne
vrijen wille dair mede doe tot sijns oordens behoff onbewoont van mij off mijne erve ende nochtans
te hebben allen sijne onbetaeilde pacht alle dunck sonder argelijst in kennijsse de wairheit _nde
want ick Wolther voirsz[egd] op dese tiet selff gheen segell en hebbe soe heb ick gebede de eersame
Thonijs Eerste om deszen brieff over mij te wille s bezegelen twelck ick Thonijs voirgen[oemd] gerne
gedaen heb en heb mijne segell ter bede ende over Wolther Aertsz an deszen brieff gehangen
begin int jair ons her[e] duijsent vijffhondert negenetwijntich opte achte dach ffebruarij
| 