Ick Dirck Alartsz lie ende kenne dat ick vanden eerwerdige ende vrome heren Wolther van Amstell van Mijnde lantcomand[eu]r der
Balijen van Utrecht Duijtschen oordens gehuert ende in pacht ontfange heb anderhaven hont lants gelge t Odijck dair an die huijs
[ste]de s[in]te Marie nortwaert Dirck Herb[e]rs streckende ande Bogerswech thien jairlanck an een durende ingaende petri ad cathedram anno XVe darthich
des jaris om anderhalff stepell weijts goet coopmans goet jairlicx ende alle jair op Sinte Martensdach in den wijnter
off binne verthiendaegen dair nae then duijtschenhuijs opt sulce te levere vrij en comerloes so met enijgerhande affcortinge
t__ van dijcken van damme van sluijsen van waetergange van hen bode van scattinge ende van
landt comen off gesath mach warden dan warit saicke datter word open waijen of open oirloghe soe dat men
dit tvoirsz[egde] landt nijet gebruijcken en mochte soe salme mij dair inne doen nae advenandtdes tijds dattet ledich
had gelegen als me boven ende beneden doit ende dit voirsz[egden] landt sal ick belloven als een goidt pachter schuldich
is van doen noch oick nijt berkregen mijt voirwairde warit saecke dat ick des voirsz[egde] jairlicx opte termijn nijet en betailen
en die andere voirwaerde niijet en hielde noch voildede als voirsz[egd] staet soe sal ikc vervalle wesen van dese huere
ende voirt van allen rechte ende toesegge dat ick tot den daeghe toe aneden voirsz[egde] lande gehat mocht
hebbe soe vere als die lantcomanduer dat weder an hem neme will ende anders mijt ende soe mach
die lantcomand[eu]r inde tidt dit voirsz[egde] landt ende dese huer vrij weder aen hem neme ende zijne
vrijen wille dair mede doet tot zijns oordens behoeff onberroert van mij off mijne erve ende
nochtans hem te betaelen alle zijnen verschene ende onbetaelden pacht zonder argelijst in kennijsse
wairheit ende want ick selve ghene zegeel en heb soe heb ick gebeden den eersaemen Thonijs Eernsten om dese brieff
over mij te wille beseggele t welck ick Thonijs voirsz[egd] gerne gedaen heb ende heb mijne zegge ter bede en over
Dirck voirsz[egd] an dese brieff gehange zege int jair ons h[ere]n duijsent vijffhondert darthich opte achtte dach januari | 