Ick Eerst Willemsz Paeu doe kendt ende kenlick allen luijden dat ick voir mij ontfange hebbe vande eerweerdige
ende vroemen heere heer[en] Albert van Egmondt van Meresteijn landcomendeur der balijen van Utrecht duijtschers oirdens in huijre
ende in pacht seven mergen lants soe groet ende cleijn als sij geleegen sijn in de pastorie vanden Goij keij[?] ma^r[?] gerecht
dair boven naest ghelandt is die keij[?] mat^r[?] ende beneden die p[a]rochie van goeij streckende van de zuvermaet[?] in die
Oesterlaeck ingaende petri ad cathedram anno negenendartich negen^jaerenlanck gedurende des jairs om zestienhalven
eertie[?] oudtsz vrijs gelts the geve sonder eenigerhande affcortinge van nijewen off van olden wercken van dijcken van dame
van sluijsen van watergangen van heeren beeden van huijsgelden van scattingen en van alles opt voirsz[egde] land coome] off op
gheset mach werden Oick offt ghemele dat god versie dat die regente deeken ma^ts[?] mijt die drie staete enige peningen
vuijtsetten en beveelden die lanthere hoer aendeel dair mede aff the moeten gelden het sij groet oft cleijn oick
nijet uijtsgesondert den alleenlick want zaeck dat dair worden opene oirlogen open waeden soe datene voirsz[egde]
lant nijet gebruijcken en mochten soe salmen mij Eerst voirsz[egd] dair inne doen alsmen boven ende benden dat the
betalen die een helfft van den gelde voirsz[egd] op sinte meertijns dach inde wijnter en die ander helfte sinte
Peters dach ad cathedra[m] dair naest volgende off bijnne veerthien daegen nae elcke termijn voirsz[egd] onbegreepe
bij reail executie van den hoegen hee^re van Utrecht nae des landtcomendeurs versoecken all tijt the doen ende
dijt voirsz[egde] lant sall ick Eerst voirsz[egde] bewaeren als een goet pachter schuldich is the doene noch aen nijemants anders
verbrengen ofte verpachten buijten consent van die lantcomendeur mijt voirwaerden waert zaeck dat ick
ick Eerst voirsz[egd] dese pacht nijet en betaelden offt voldede en alle voirsz[egde] punten en articulen nijet en hielden
alz voirs[zegd] is soe sall ick Eerst voirsz[egde] vervallen weesen van dese huijer en pacht en voirt van allen rechten ende
toeseggen dat ick Eerst voirsz[egd] tot desen daeghe toe aent voirsz[egde] lant gehadt mocht hebbe soe verre als de
landtcomendeur dat wederom aen hem neemen will ende oijck anders nijet en soe mach die lantcomandeur
off sijn naecomelingen landtcomendeurs inder tijtt dijt voirsz[egde] landt en pacht dan weder aen hem neemen en
zijnen vrijen wille dair meede^doentot zijne ordens behoeff onberroert van mij Eerst voirsz[egd] en nochtans die
Lantcomand[eu]^r voirs[zegd] the betaelen allen zijne verscheene en onbetaelden pachten alle dijnck sonder argelijst
in kennisse der wairheijt soe heb ick Eerst voirsz[egd] selff gheen segell en hebbe soe heb ick ghebeeden den eerssamen
Anthonis de Man desen brieff over mij the willen besegelen twelck ick Anthonis voirsz[egd] ten beede Eerst voirsz[egd] geerne
gedaen heb en heb mijn segell over hem aen desen brieff gehangen segend int jare des heeren duijsent vijffhon
dert negenendartich den elffte ffebruarij