Ick Willem Paew lije end kenne dat ick van den erweerdighe end vrome here Steven van Suijlen van Neijvelt
lantcomend[eu]r der balije van Utrecht duijtsches orderns gehuert end in pacht hebben acht merge lants
alsoe groet end cleijn als die gelgen sijn int Goeij den selve lantcomenduer ende sijnen convente van Utr[echt]
bij dode meijsters Sijmons van Schoenhoven aengekomen sijn ind bestorven en die ick Willem vursz[egd] laeste
gebruijckt heb tijen jaerlanck aen eijn duren[de] ingaen[de] op Sinte Peters dach as Cathedram laeste
desse Jaers ome seven oude schilde vijffendertich stuvers hollants gelts voir elcken ouden schilt
vursz[egd] gerekent off ander guit paijment in gelijcke werden inde tijt der der betaelinghe te betaelen
die eijn helft vande gelde op Sinte Martijns dach inden winter naestkomen[de] neestkomen[de] ende der ander helft vanden
gelde petri ad cathedram daer naestvolgen[de] off bijnen vertijen dagen da elcken termijn onbegrepen vrij
gelt uijtgescheiden open walen open ourloich ende mergengelt da bijden drie staten wtgefath
worde dair sallmen mij in doen alsmen bove ende beneden doet ende alsoe vort jaerlix van termijn
tot termijn dese vursz[egde] tijen jaerlanck durende ende dit vursz[egde] lant sall ick Willem vurs[zegd] mij
erve ende nacomelingen bewaeren als guede pechters ende huijrluijde schuldich sijn te doen mijt
vurwerden waret saecke dat ick off mijn erve ende nacomelingeh dess vursz[egde] pacht nijet en
betaelden inde die ander vurwerden nijet en hulden noch in voldeden alle vursz[egd] staet soe sonder
tot ende mij erve daer dese versumenisse bij geschiede vervallen wess[en] van deser huere inde van allen
rechten ende toeseggen dat ick tot desen dage toe daer aen gehadt mocht heben soe verd als die
lantcomed[eu]r dat weder aen hem neme __all ende anders nijet en soe mach mij h[e]r[en] die
lantcomend[eu]r vursz[egd] off sijn nacomelingen inden tet dit vursz[egde] land ende dese hure vrij verder
aen hem neme inde sijnen vrijen wille dair mede doen tot dess ordens behoeff onbenoent van
mij ende mijne erven ende nochtans te betaelen alle sijne verchreve ende onbetaelde pachte aldinck
sonde[r] argelist in kennisse der waerheit inde want ick Wilhem vursz[egd] geen segell en heb
soe heb ick gebeden den ersaeme Herman Quirinsz dat hij dese brieff over mij gesegeln wulde
dat ick Herman vursz[egd] ter beden Willems vursz[egd] gern gedaen heb ende heb mijns segell vur
Willems vursz[egd] aen dess brieff gehangen int jaer onss here Duijsent vijffhond[erd] ende twelff
opte sestijenden dach inden meij | 