R

                           Anthonijs Wouterssz bij transporte van Wouter
                          Luijtgenssz sijnen vader
eijnault Ecl[?] doen te weeten dat wij overmits willige overghifte opdracht
quijtscheldinge ende vertichnisse bij Wouter Luijtgenssz mijt halvre hands
ende monde gedaen in handen onses stadthouders Willems van Erp
gecomitteert totten leenen onser heerlicheden Vijanen ende Ameijde soe dat
venisse onser man[n]en wijsde genoich ende recht te weesen weder ome bijden
selve onsen stadthouder verlijt ende beleent hebben verlijen en[de] beleenen
mits deesen onsen brieve Anhonijs Woutersz seven hont lants alsoe die
gelegen sijn tuschen den Gheer ende Houten boeven naest gelant Luijtgen
Wouterssz ende beneden Henrick Groot Jan Eerstenszoen oft hoere nacomeli[n]g[e]
ende noch vier hont lants soe die gelegen sijn tuschen den haechsloot ende
den Houter wech boeven naest gelant Aernt Taets oft sijne nacomelingen
en[de] beneden die heere[n] van den Duijtschen huijse t Uijtrecht ende hijr toe noch
acht hont lants soe die gelegen sijn tuschen den Houterwech ende den
 

Dwerswech boeven naest gelant lant der cap[it]ellen int Goeije ende beneden die
heere[n] van den Duijtschen huijse voirsz[egd] t houden van ons ende van onsen
nacomelingen Anthonius voirsz[egd] ende sijnen nacomelingen tot een[en] onversterff[elijk] ^e
erfleene ende te verheergewaden alst verschijnt mijt een pont swarten
geteekent voer vijffen veertich stuivers ende alsoe voert erfflick beheltlick ons
en eenen ijegelicken sijns rechts bij manen Ffredrick van Meerloe, Andrus
Koevoet ende Georgen Ludolph opten XX ^en dach in meije anno XV ^c XXXVIIJ