Allen den ghenen die desen brief zellen zien off hoeren lesen doe wij verztaen Jan Jansz schout Steven Andriesz ende Jonge Jan die Widt schepennen inden gerechte van
t Goeij ende Houten dat voer ons quam intgerechte Frederick Claesz ende belijden ende bekenden aldaer voer hem zijnen erven ende naecomelingen met zijn vrijen moet wille
van den weerdigen heeren domdeecken en[de] capittel den kercken ten Dom t Utrecht in eenen erffpacht ontfangen te hebben vier mergen ende twee hondt lands gelegen in den
kerspel van Houthen voirsz[egd] ende beloefden aldus aen onsen handen voir hem zijnen erven en naecomelingen den voorn[oemde] heeren domdeecken en[de] capittel ofte hueven cleijnen
camere inder tijt jairlicx te betalen derden halven ouden gouden vrankrijcksche scilt als anderhalve goede goude overlantsche koevouirster rijnsche gulden van den
oude schilt op seeckere termijnen vorwarden verbanden ende penlijende voirt in alle manieren als die erffpacht brieff besegelt mit ons capittels segel ten dome voren
dair af in houdt spreckende van woirde te woirde aldus wij domdeecken en[de] capittel der kercken ten dom t Utrecht doen houdt allen luijden dat op huijden voir
ons sij onse capittelhuijs gecomen is Wouter Luijtgensz tot Houten ende droech in onsen handen alle alsulcke recht ende toeseggen als hij enichsins hadde
ofte hebben mochte aenden erffpacht des landts hier naebescreven t welck hij laetsz van[n] ons in erffpacht gehadt en[de] gebruijckt heeft ende als dit alsoe
wie voirsz[egd] gedaen was rechtenoirdt soe hebben wij tsijner begeerten in een ewigen erffpacht gegrondt ende gegeven gunnen ende gheven mit desen
onse brieve Frederick Claesz tot behoeff van Weijne des voirsz[egde] Wouter Luijtgens dochter en hoeren erffgenamen dat voirsz[egde] landt te weten vier
mergen en twee hondt lants alsoe die gelegen zijn inden gerechte van Houten op streckende van den Houtenschen wech tot aen des bisschops hoeve toe
daer boven oestwerts die heere[n] van oudenmu[n]ster mit Steven Arijssz van Rossem ende west werts Goijert Maessoen beneden naest gelandt zijn
elcx siaers om derden halven ouden gouden vranckrijcksche schilt als mede halve goede goude overlantsche koevfurste rijnsche gulden die voer
datum s brieffs gemunt en[de] geslagen zijn off paeijement huer weerden inder tijdt der betalinge voer elcken ouden schillt gereckent en[de] twee goede pacht
capoenen te betalen deen helft van den gelde mit alle die cappoen op sinte meertensdach inden wijnter nu naestcomen[de] ende die ander helfte op s[in]t
Petersdach ad cathedram daer naestvolgende off bijnne[n] eenre maent naer elcken termijn voirsz[egd] ombegrepen ende soe voirt jairlicx erffelick en[de]
ewelick vrijs gelts zonder enige affcortinge off vermi[n]deringe des voirsz[egde] pachts ende alle scade ofte ongelden die op dit voirsz[egde] lant com[m]en
oft uitgeset mochten werden nijt uuijtgesond[er]t mit dusdanige voirwairden wairt saicke dat Frederick Claessz voirsz[egde] ende sijn naco[m]elingen
jairlicx den voirsz[egde] pacht ons vol ende all niet en betalden tot sulcken termijne[n] en[de] in allen manie[ren] als voirsz[egd] es zo vielen zij alle gader
van allen recht ende toeseggen dat zij hadden ofte hebben mochten aenden erffpacht des lants voirsz[egde] ende zoe quaem dat selve landt dan
weder vrij en loss aen ons ende onser kercken ten Dom voirsz[egd] onsen vrijen wille dair mede te doen alsoe verre wij dat aennemen wouden en[de] anders
nijet behoudelicken noch ta[n]s osn den verseten pacht die ons dan afterstadich ende ombetaelt wairt ons op te legge[n] ende te betalen zonde[r] weder
seggen voirt zijnt voirwairden dat Frederick voirsz[egd] noch zijn naerco[me]lingen en zellen noch en moegen dit voirsz[egde] lant en[de] den erffpacht niet sceijden noch deijlen
noch vercopen noch versetten noch versellen noch aen ijemant anders brengen noch in geenrehande manie[re]n quijt werden buijten onsen consent ende wille
onder die peijne van vervallinge voirsz[egd] ende wanneer Frederick affliivich werdt zoe sel dese erffpacht voirsz[egd] com[m]en all geheel en[de] ongesceijden
op eene zijnen outste en[de] naeste wittafige erffnaem gecomen wesende van Weijne zijn huijsfrouwe des voirsz[egde] Wouter Luijtgensz dochter een
man hoeft naewa te wesen dan een wijff hoeeft dair zij beijde eenen nae wae[re]n om alsulcken pacht ende alle manie[re]n voirwaerden verbonden ende pene
als voirsz[egd] zijn ende alsoe voirt van erffnaem tot erffnaem ende die selve erffnaem sel bennen den eersten jaer nae dode Frederick voirsz[egd[ dit landt
ende den erffpacht voirsz[egd] aen ons versuecken en[de] nemen van ons nije brieven en[de] ende gheven ons wederbrieven alleers spreeckende opten erffpacht ende voirwairden
voirsz[egd] besegelt mit des gerechts segel van Houten op zijnen cost ende wairt saicke dat die selve erffnaem des niet en dede off enich van den puncte[n]
voirsz[egd] verbrake soe viel hij des gelijcx van allenrechte en toeseggen dat hij hadde ofte hebben mochte aenden erffpacht voirs[zegd] alsoe verre als wij wouden
in allen manie[re]n als voirsz[egd] is zonder alle argelist ende behouden altijt een ijegelicken zijns rechts in kennisse der wairheijt zoe hebben wij desz[e] brieff
doen besegeln mit ons capittels segel gegeven in tjair ons heeren duijs[en]t vijfhondert vierendertich den vierentwijntichste dach inden april ende
wij Jan Jansz schout Steven Andriesz ende Jonge Jan die Wit schepemen voirsz[egd] want ons kenlicken is dat alle puncten inden voerseijden erffpachts brieff
begrepen voir ons inden gerechte voirsz[egd] alsoe bekent ende geloeft zijn he.. ..cx onse segellen aen desn brieff gehangen gegeven int jair ons heeren duijsent
...........