Alle den ghenen dije deesen brieff sellen sien of horen lezen doe wij verstaen scout ende scepen ders staet van Utrecht
dat voir ons quam wt gerechte Rickelant, Hermaen Claesoen die Kremers wedue Peter Willamsens dochter ende gaf over mit hairs
gecoren mombers hant dair sij met recht ende mit oirdel[?] aen Marij van Dirckzoen van Campen der huijsinge ende hofstede alser die
ghelegen is inde Springwech dairt convent van den regulieren binnen Utrecht boven ende Ghijsbert Erstenszoen beneden naestgelege
sijn ende verteech dair off ende van alle rechts ende for seggens dat sij dair om hadde ende mede van allen brieven die dair
off ruerende sijn tot Jan Dircksoens behoeff voirgenoempt sloe recht ende oirdele wijsde dat sij sculdich was te doen ende sij
geloefdent hem mede van ende dach te waren op den rijnsche gulden current s iaers losrente den pennijnck sestien
die Lijsbeth Alerts Monthaens weduwe dair wt nae Sinte Lamberts dach naest komende ende alle voirplechten off te
doen mede soe is ons kenlicken als den vertichtbrief inne hont gans gane ende wel besegelt mitter stadt groite zeghel
van Utrecht ende alsoe die geleeck ende wij bekenne mochten ongecanszeleert ende ongecanselleert ende ongeraseert speckende van woirde te woirde
in manijeren hier nae volgende aldus alle den genen die desen brieff sellen sien off horen leesen dair van verstaen scout
ende scepenen die stadt van Utrecht dat voir ons quamen int gerechte Claes Alit ende Risse Hermen Claessoen die Kremers
kijnderen die hij hadde bij Rikelant, Peter Willemsoens dochter sijn wijff mede vercregen mit handen Jan Gerritsz ende
Arent Janssoen die glaesmaecker als mombers hem gij gesrickt van den raide die staet van Utrecht tot behoef Rijkelants hairs
moeders voirscreven van alle goets ende erffenijsse ruerende ende onruerende als hem elcx aengegomen ende bestorven is
van dode Herman Claessoens hairs vaders voirscreven zaeligher ghedachten sonder arch dit gesciede onder Gijsbert van
Lanscrom scout Gerit van Voerdt Heijnrickssoen, Gijsbert der Karen, Egbert van Groenenberch, Jan de Wit, Jacob van
Snelleberch, Goert van Voirdt, Jan van Radenborch, Loeff vander Hant, Lubbert van Alendorp Willem Sone, Jan van Voirdt
ende IJsbrant IJsbrantssoen scepenen t Utrecht ende op dat dit vast ende stade blinc soe hebben wij scout ende scepennen vant
voirgenoempt onse stadt groite segel om deen brieff gedaen t enen oirconde gegeven int jair ons heren duijsent
vijfhondert ende vijfthien des dijnsdaege nae Sint Jans dach te midtsomer Snellenberch
lant voirscreven huden op desen dach in tegen woirdicheijt dis gerechts voir ons
Lanscroen scout Goert van Voirdt Heijnrickssoen, Gijsbert der Kraen, Egbert van Groenenber
Goert van Voirdt, Jan van Dodenborch, Loeff vande Hair, Luber van Alenderp, Willem
Ijsbrantssoen scepenen t Utrecht mede op dat dit vast ende stade
genoempt onse stadt grote segel ain desen brieff gedaen t enen oirkonde gegeven
vijfhondert ende vijfthein des dijnsdaegs nae Sint jans dach te midtsomer // Snellenberch