We den ghenen die desen brieff sellen sien off horen lesen doe ick verstaen Jacop van Zulen van Nijevelt scout op de Weteringhe int gherecht
van Schonouwen in Willam Gherecht van Zulen va[n] Nijevelt dat voor mij end voir die lantghenoeten en[de] buere[n] die hier nabescreven staen quam
int gherechte Ludolff Wouter Luijtkens soens soen en[de] begheerde eens oirdeels off die twaelff marghen lants also alse die gelegen legghe[nde]
in den gherecht voirscreve[n] in een weer lants van tweedtwijntich margen lants luttel meer off mijn ghemegder vaeren mit Dirck
van Oestru[m] en[de] mit Gherijt de Baell streckende van Goeijer weteringhe tot in Scalckwijcker weterijnghe thoe dair bove[n] dit voirsch[ev]en weer
lants naest ghelant sijn den uitwech en[de] beneden die here[n] van sinte Peters t Utrecht also vrije en[de] also losse sijn waren dat hij dese vrijlicke[n]
mochte vercoepen versetten versellen en[de] den vrijen eijghendom dair off overgheven mochte wijen dat hij woude en[de] hem wert
ghewijst mit rechten mit oirdele dat hijt wel doen mochte en[de] dattot mitten rechte stedicheijt hebben en[de] houden sel doe dat ghedaan
was aldaer so gaff Ludolff Wouter Luijtkens zoens soen voirge[noemd] over voir he[m] en[de] voir Bartraet sijnen wive dair hij op dese tijt wettelick
gheboirte bij heeft Tijman Cluetinck tot behoeff sinte Bartolmeus gasthuijs binnen Utrecht den vrijen eijghendom van die twaloff
marghen lants voirg[enoemd] so die hier voir bescreven ende bepaelt staen ende hij verteech dair off ende van alle rechts en[de] toeseg
ghene dat hi jdair aen hadde en[de] mede van allen brieven die dair off roerende sijn tot des gasthuijs behoeff voirge[noemd] also die
lantghenoiten en[de] buere wijsden dat recht was en[de] hij mit recht schuldich was te doen en[de] dattet mitten rechte stedicheijt hebben
en[d]e houden sel ende hij gheloeffdet hem mede jair ende dach te vrijen en[de] the waren als erffcoep recht is naden recht
van den lande en[de] alle voirplechten ofte doen sonder arghelist hier waren over ende aen dair dit ghescheide Hilbrant van
Rossum Beernt van Schadijck Daemsoen, Gelis Heijnricx soen en[de] Gherijt Janssoen van den Velde en[de] Mercelis Hubertssoen
lantghenoeten en[de] buere inden gherecht voirschreve[n] en[de] meer goeder luijde in kennisse der wairheijt hier off so hebbe ick Jacop
van Zulen van Nijevelt schout voirs[zegd] desen brieff beseghelt van des gherechts weghen over mij selven en[de] mede over die lantge
noeten en[de] buere voirschr[eve]n om hore beden wille en[de] wij lantghenoeten en[de] buere voirsch[reven] oirconden dit en[de] turghen onder des scouten
seggel voirsch[reven] en[de] hebben hem ghebeden desen brieff over ons te besegelen mit sijnen seghel want wij hier mede over en[de] aen waren
dair dit geschiede ghelijck voirsch[reven] staet ghegheven int jair ons here[n] Dusent vierhondert drie en[de] tseventich op sinte Valentijns avondt