lxa emphiteasis concesse Anthonio Gosesens v Schaijck
de medie menso evero janen inde achtienhove [???]
Alle den genen die desen brieff sulle sien off ho[re]n lesen doe ick
doe ick verstaen Anthonus Goessensoen van Schaijck dat
ick vanden ick vanden weerdigen he[re]n vicedeken ende capittel der kercke van
Oudemunster t Utrcht in eene ewigen erffpacht ongescheijden aen
eene erffgen[ame] te bliiven ontfangen hebbe voer mij en Deliana
mijn suster tot haeren leve lanck geduren[de] haer lijfftocht een
halve hoefne landts velts en veens alsoe groot ende cleijn als
die van oudts gelegen is inden Achthienhoven indes proests ge
rechte van Sint Janskercke binnen Utrecht ende Goessen van
Schaijck mij[ne] vader in eene ewegen erffpacht laest beseten
heeft streckende van Bisscopsweteringe opwaerts tot inden
Drenschoten toe daer bove ende beneden die heren van Sinte
Catherine van Sint Jans oorde bine Utrecht naestgelandt
zijn den selve heren ende hoe[re] kercke toebehorende om een seke[re]
jairlicxe pensie n als om twaleff goede goude oude vranck
rijcxe schilde off die rechte weerde daer voier als die ge
meen ecclie van Utrecht in elcker tijt der betalinge ghe
meenlick ontfangen sall ende sess goede pacht capoene com
erloes ende vrij te betalen den voirsz[egde] hee[re]n offt hoeren
cameraer indertijdt sonder enige mani[n]ge mij te vo
ren daer aff the doen ofte doen doen t Utrecht in hoe[re] kercke
op mijne cost ampt ende arbeijt vrijgelt sonder eniger
hande ofcortinge off verminderinge hoers pachts oick
van wat saecken dattet toecome mochte het waer van ra[..]
keij: mats bede scheere scattinge bijden staten van den lande
uuijtgeset ende geconsenteert ofte nijet geconsenteert ope oor
loge open waije nijeuwe molens dijcken damen sluijssen
watergangen hoe ende in wat maniere dattet geboere dattet
toecomen ofte uuijtgeset mocht werden nijet uuijtgesondert
die een helfte van den voirsz[egde] gelde mit alle die capoene op
Sinte Maretens dach inden wint[er] nu naestcomende en die an
derhelft vande[n] voirsz[egde] gelde op sinte Peeters dach ad Cathedra[m]
daer naestvolgend[e] off b[in]nen eenre maent na elcke termijne
voirsz[egd] onbegrepen en alsoe voort jarelicx erfflick ende e
welick mit dusdanige voirwared dat ick Anthonis voirsz[egd]
desen erffpacht nijet weerloes worde noch een deel dair van ofte int
geheel daen ijema[n]t anders brengen en sal moege dan bij wille
ende consent der hee[re]n voorsz[egd] ende als ick offliivich werde ofte bij
consent der hee[re]n desen voirsz[egde] erffpacht weerloes werde
soe sal mij[ne] naeste erffegen[aam] ofte naecomelinge bin[ne]n jaires dese
erffpacht erffpacht aende voirsz[egde] heeren versoecken nijeuwe briefnen ge
ven en nemen op sijne cost inhoudend als dese doen behou
den ende mit voir>wairde dat die voirs[zegde] Deliana mij[ne] suster
haer lijfftocht heb[b]en ende behouden zal haer leven lanck ende
nijet langer en die prouffijten daer aff gelijck gebruicken[de]
part parts gelijck ende waert saecke dat ick mij[ne] erffgen[amen]
ende nacomelinge vorrsz[egd] dese vorrs[zegde] pacht jarelicx nijet
voll ende all en betaelde opden termijnene voirsz[egd] ofte nijet
ende vorsochten ofte weerloes worde buijten wille ende co[n]sent
der hee[re]n voirsz[egd] ende alle punte ende voirwaerden nijet en ond[er]
hielden als voirsz[egd] is soo vielen wij van alle rechts toeseg
gens end beterschap dat wij hadden aen dit landt voirsz[egd] ende
dat quaem dan vrij ende ledich weder aen den hee[re]n ende ha[re]
kercke voirsz[egd] mitten geti[m]mer aenmaecken vage geboomte
gepoot geplandt ende alle beterschap dat daer nu ter tijdt
opt selffde landt staet ofte nae naemaels op geti[m]mert
aengemaect opgeset gepoot geplandt en verbeeterdt
mach werden hae[re]n vrijen wille daer mede te doen so
ijemants wederseggen van eenige betterschap daer aff the
eijscchen oft eenige verstoringe daer aff the doen ende dat
wij onsdaernijet en sellenopverweeren ofte laten relevere voir
enige rechtere[n] ofte van enige hoefnen ofte cancellaren
geestelick noch weerdtlick bij ons selven ofte ijemandt
anders hoe encd in wat maniere[n] datime[n]t bedencken
ofte versiere soude mogen behouden den hee[re]n voirsz[egd] al
hoere[n] afterstadigen pacht die hem dan verschene ende noch
onbetalt war[en] dien sij oft hoere[n] gemachtige boede
sullen moge[n] uijtpanden ofte doen uijtpanden uijt alle
onsen goede[re] roeren[de] en onre[ren]de tegen weirdich ende toeco
mende wair die bevonden sullen mogen werden mit her
licke execute ende uijtpandinge gelijckerwijs keij[.] mat[..]
domeijne bede cijsen uuijtgepandt en uijt gehaelt wor
den mit allen boeden verwonne ende mitten costen dairome
gedaen en noch the doen zonder arch ende lijst in oirconde
der waarheijt heb ick Anthonis voirsz[egd] gebeden Dirck
Janssz die Jonge desen brieff over mij te wille be
segelen mit siinen zegel want ick op dese tijt selver geen
segel ende gebruijcke t welck ick Dirck Janssz voirsz[egd]
ter bede ter bede Anthonis voirgen[oemd] geerne gedaen ende mij[ne] segel over
hem aen desen brieff aengeha[n]ge hebbe gegeven indt jair
ons hee[re]n duijsent vijffhondert vijff ende dertich opte eerste
dach in september | 