Allen den gheenen die desen brieff sullen zien of hoiren lesen doe ick verstaen Gijsbert Acrijnsz inde Goij dat ick van den ed[ele] heere deecken ende
cap[itte]le der kercke van Oudemunster t Utrecht ses jare lanck gedurende ingaende Petri ad Cathedra ano XVe een ende t seventich
in pacht ende huijrwee ontfanghen hebbe twaelf mergen landst alsoe groet ende cleijn als die van oudts gelegen zijn inde toije voirsz[egd]
opstreckende van de Oisterlaeck tot aen die Goijerweeteringhe toe daerboven Jacob Jan Lubbertsz off daer hij dat mit recht
ghelaten heeft ende beneden s[in]te Barbaren gasthuijs binnen Utrecht naest gelandt zijn een voirsz heere ende hare kercke toebehoren[de]
om een sekere jaerlicxw pesie[?] alse elcke mergen om vijf keijser karels gulden van twintich Hollantsche stuvers t stuck ende
om twaelff goede pacht capoenenofte vier stuvers voor elcke capoen commerloes ende vrij the betalen den voirsz[egde] heere off hoere cameraer
jaren tijt t Utrecht in hoire kercke op mijne cost ampt ende aerbeijt zonder eenighe vande cortinghe oft verminderighe des pachts
voirsz[egd] van wat saecke dattet toecomen mochte oick van outschiltgelt vrij aende van allen andere ongelden niet uuijtgesondert dan alleen
open orloghe ende open waden daer van mijn bij den voirsz[egde] heeren gedaen sal worden als zijluijden komen ende beneden hoiren anderen pachters doe sullen
die een helft van den gelde mit alle die capoenen voirsz[egd] op Sinte Maerius dach inden winter ende die ander helft op Sinte Peters dach ad
Cathedram daer naestvolgende off binnen veerthien dagen naer elcke termijn voirsz[egd] o[nder]begrepen met voerwaerden waert saecke dat ic
den voirsz[egde] jaerlicxen pacht alle jaere opten voirsz[egde] termijnen nijet vol ende al en betaelde off dit landt buten wille der heere voirsz[egd]
inet geheel off een deel daer van weerloes wierden off aen ijema[n]t anders brachte ofte eenige puncte in desen vermelt verbrake
ende niet en onderhielde zoe waer je claerlicken vervallen van desen huijrwee ende van alle rechte ende toeseggen dat ick aen dit landt
hadde ende dat haere dan vrij loss ende ledich wesen aende heere ende hore[?] kercke voirsz[egd] hoerden vrijen wille daer mede the doen zoe
verde zij dat weder aenemen wouden ende anders niet behouden hem nochtans alleen hore[?] achterstadige verschenen ende o[n]betaelden
pacht een sij zullen moegen doen uuijtpanden uuijt allen mijne goedere waer die bevonden sulle moeghe worden ende hier toe
verbinde ic mijnen persoen ende goedere voirsz[egde] submitterende dselve den hove provinciael van Utrecht ende allen anderen hove
rechtere inde gerechten belovende hier van acte van addenatie the passerende tot vermanighe item is noch bevoerwaert
waert saicke dat ic dat campken weijlandts deese huijriaeren ghedurende breken woude zoe zoude ick gehouden wesen t selve
teijnden desen voirsz[egde] jare drie jaerige driesch op the levere alle enighe sonder arch oft list des t oirconde hebbe
ick Ghijsbert Acrijnsz voorn[oemt] gebeden Acrijn Dirricksz Cluetingh desen over mijn t willen beseghele t welcke hijgem[eld]
gedaen ende zijn segel over mij hier aen gehangen heeft inde jaer ons heer XVe een ende t seventich opte VIJe
dach der maendt van meerte