Alle den ghenen die desen brieff sullen zien off hoeren lesen doe ick verstaen Anthonus Goessenzoen van Schaijck dat ick van den weerdigen heeren vicedeken ende capittel
der kercken van Oudemuster t Utrcht in een eewigen erffpacht ongescheijden aen een erffgenaem te bliiven ontfangen hebbe voer mij en Deliana mijn suster tot
hoeren leven lanck geduren[de] haer lijfftocht veren halve hoeve lantz veltz en veens alzoe groet en cleijn als die van outz gelege is tnden Achtienhoven in dez proests
gerecht van Sint Janskerck binnen Utrecht en Goessen van Schaijck mijnen vader in een eewegen erffpacht laest beseten heeft streckende van Bisschopsweteri[n]g
op wert tot inden Drenschoten toe dair boven en beneden die heren van Sinte Catherinen van Sint Jans oerve bijnnen Utrecht naestgelant sijn den zelven
heeren en hoerenkercken toebehorende om een zeker jairlicxe pen[ninge]n als om twalef goede gouden oude vrancrijcxe schilden of die rechte weerde dair voir als die
ghemeen ecctie van Utrecht in elcker tijt der betalinge gemeenlick ontfangen zall en zess goede pacht capoen[en coimerloes en vrij te betalen den voorsz[egde] heeren off hoerid[?]
camerair indertijt zonder eenijge maninge mij te voeren dair aff the doen ofte doen doen t Utrecht in hoere kercken op mijnen cost ampt en arbeijt vrij gelt sonder
enijgerhande offcortinge off verminderinge hoers pachtz oick van wat zaicken dattet toecomen mochte het wair van r[ent] m[eeste]^r bede scheeren scahttinge bijden
staten van dne lande uitgeset en geconsenteert ofte niet geconsenteert oper oerloge open waije nijewe moelens dijcken damen sluijsen watergangen hoe
en in wat manieren dattet geboeren dattet toecomen ofte uitgeset mocht werden niet uijtgesondert die een helfte van den voorsz[egde] gelde mit alle die capoene
op Sinte Mertens dach inden wint[er] nu naestcomende en die ander helft van den voorsz[egde] gelde op sinte Peters dach ad Cathedra[m] dair naest volgend off binnen
eenre maent na elcken termijne voorsz[egd] onbegrepen en alzoe voert jairlijcx erfflicken ewelick mit dusdanige vorwaren dat ick Anthonis voorsz[egd] desen
erffpacht met weerldes werden noch een deel dair van ofte int geheel aen ijemant anders brenge en sal mogen dan bij will ende consent der heere
voorsz[egd] ende als ick offliivich werde ofte bij consent der heeren desen voorsz[egde] erffpacht weerloes werde zoe zal mijn naeste erffegenae[me] off na comelinge
binnen jairs dese voors[zegde] erffpacht aenden voorsz[egde] heeren versoucken nijeuwe brieve gheven en nemen op sijnen cost inhouden als dese doen behouden en mit vor
wairen dat die voors[zegde] Deliana mijn suster hair lijfftocht hebben en behouden zal haer leven lanck en niet langer en die prouffijten dair aff gelijck gebruicken
paert paertz gelijck ende waert zake dat ick mijn erffgen[amen] en nacomelinge voorsz[egd] dese voors[zegde] pacht jairlijcx niet vol en all en betaelde opte termijnen voorsz[egd] ofte met
en vorsochten ofte weerloes waren buten will en consent der heeren voorsz[egd] ende alle punten en verwairden niet en onderhielden als voorsz[egd] is zoe vielen vrij van
alle rechts toeseggens en beterschap dat wij hadden aen dit lant voorsz[egd] en dat quaem dan vrij en ledich weder aen den heeren en hare kercken voorsz[egd] mitten getduier
aen maicken vage geboemte gepoot geplant en alle beterschap daer nu ter tijt op tselffde lant staet ofte naemaels op getduiert aengemaect opgeset
gepoet geplant en verbetert mach weren hueren vrijen wille daer mede the doen sonder iemants wedersegge van eenige berterschap dair aff the eijscchen
ofte enijge verstoringe dair aff the doen en dat wij ons dair nijet en zullen op verweren ofte laten releveren voer enijge rechteren ofte van enijge hoeven
ofte cancellarnd geestelick noch wairliijck bij ons zelven ofte ijmant anders hoen en in wat manieren datiment bedencken ofte versienen soede moegen behouden den
heren voorsz[egd] all hoeren afterstadigen pacht die hem dan verscheind[ag] en noch onbetaelt ware dien zij offt hoeren gemachtigchden bode zullen moege verpanden ofte
doen uitpanden uit allen onsen goede rueren en onrourende tengen woerdich en toecomende wair die benouden zullen moege werden mit heerlicke execute ende
uitpandinge gelijcker wijs k[.] ma[..]^r domeijnen bede ____ rsen uijtgepant en uijtgehaelt werden mit allen boeden verwonnd en mitten costen daeir omme gedaen
en noch the doen zoude arch en lijst in orkonde der wa[arheit] heb ick Anthonis voorsz[egd] gebeden Dirck Janssz die Jonge desen brieff over mij te willen besegelen mit
zijnen zegel want ick op dese tijt zelver gheen zegel en gebruijcke t welck ick Dirck Ianssz voorsz[egd] ter bede Anthonis voorgen[oemd] gheerne gedaen en mijn zegel
over hem aen desen brieff geha[n]ge hebbe zege int jair ons heeren dusent vijffhondert vijffendartich opte eersten dach in september