Allen den gheenen die desen brijeff zullen zijen off horen leesen doen wij verstaen Egbert van Han schout Ja[n] de Wit ende Henrick Egbertsz scepen van Goeij en Houthen
dat voer ons quam int gerechte Gijsbert Quirijns ende inde belijden ende bekenden aldaer met zijn vrijen moet wille over hem zijn erffgen[amen] ende nacomelinge vanden eer[zame]
heeren doemdeken ende cap[ite]le ten dooem t Utrecht in een ewijgen erfpacht ontfangen te hebben vijer den halven lants ende negen roedt met allen hoere toebehore
gelege int goeij inde Houttem Item noch die rechte helfte van een merge lantz gelege inden voersz[egde] gerechte ende beloofde die te bezitten ende gebruijcken opzulcke
conditien peenen[?] terbanden ende jaerlicxe paechten als den voersz[egde] heeren brieff zulxks verder inne houden is sprekende van woerde tot woerde aldus wij
doemdeken ende capittel der kercke ten dom t Utrecht doen soude allen luijden dat wij bij opdrachte ende overgifte van Eernst Cornelisz[oon] in een ewijgen
erfpacht gegunt ende gegeven hebben gunen ende geven mitz desen onsen brijeve Gijsbert Quijrijnsz[oon] vijerden halve mergen lantz ende negen roeden met allen hoeren
toebehoren alsof die gelege sijn int Goij ten Houttem daer dat cloester van Sint Servaers t Utrecht boven en m[eeste]r Willen van Lochorst canon[ik] Sint Marijen t Utrecht
beneden naest gelant sijn item noch dije rechte helfte van ten[?] mergen lants gelegen inden gerechte voersz[egd] t eijnden aen die vijerdalve mergen ende negen roeden voersz[egd]
daer Eernst Willemsz[oon] dit wederhelfte vande selven mergen off toebehoert ende die zelffde Eernst Willemsz[oon] voersz[egd] boven ende Cornelis Dirsz[oon] tot Bunnick
beneden naestgelant sijn ende ons ende onze kercken met pacht toebehoert ende nijet meer elcks jaers van twee gouden overlangsche koersurster[?] Rijnsche gulden goet
van goudt van voler gewicht en gerechter munten voer datum sbrieffs gemut ende geslagen off drije rechte weerde daervoer in elcke tijt der betalinge daermen
alzulck goedt gouden ende koersurster[?] rijnsche gul[den] om copen mach die ons Gijsbert Quirijnsz[oon] ende voersz[egde] ende sijne nacoemtl[inge] nae sijner doot daer dezen erfpacht op comen zal
datel[ijk] vrij ende comerloes zonder enijgerhandt off cortinge off verminderinge ons pachts voersz[egd] ende van alle scade ongeval off ongelde die op dit voersz[egde] land comen mochte
oeck van watsaecken dattet tot quaem op hoer selffs cost ampt ende arbeijt binnen onser kerkcke ten doem voerscreven betalen zellen alse die een helfte vanden gelde
op Sinte Martijns dach inden wijnter ub[?] naestcomende ende dander helfte op sinte peters dage ad Cath[edra]m daer naestvolgende off binnen eenre maendt nae elcke
termijn voersz[egd] ombegrepen omde alzoe voert jaerl[ijks] van jare tot jare van erffnae[m] tot erfnaem mit zulcken voerwaerden waert zaeck dat Gijsbert Quirijsz[oon]
off zijn nacomel[inge] jaerl[ijks] den voersz[egde] pacht ons vol ende al uijet en betaeldt tot zulcken termijn ende in allen manieren als voersz[egd] is zoe vielen zij alle gader van alle
rechts ende toezeggen dat zij hadden off hebben mochten aen den erfpacht des lants voersz[egd] ende soe quaem dat zelve landt dan weder vrij ende loss aen ons
ende onser kercken ten doem voersz[egd] onden vrijen willen daer mede te doen alzoe verre als wij dat versuijm aenemnde wouden ende anders nijet behoudelicken ons
nochtants den afterstadigen pacht te betalen zonder argelist voert sijne voerwaerden dat Gijsbert Quirijnsz[zoon] ende sijn nacomelingen voersz[egd] en zellen noch en
mogen dit lant ende den erfpacht voersz[egd] noch sceijden noch deijlen noch vercopen noch verzetten noch verstellen noch aen ijemat anders brengen noch in geene han[deren]
manieren guijt worden buijten onsen consent ende wille onder die pten van vervallinge voersz[egd] ende wanneer Gijsbert voersz[egd] offlijnick wort soe sal desen erfpacht
voersz[egd] al heel ende ongesceijden come op reij[?] zijn autsten naesten uittafligen[?] erfnaem ten ma[..] hoeft naerre te wesen dan ten wijffhooft daer sij beijde even nae
waren ome alsulcke pacht ende in allen manieren voerwaerden verbanden ende pten[?] als voersz[egd] sijn kinde alzoe voert van erffnaem tot erfnaem ende die zelve erfnaem
sal binnen een halven jaer nae Gijsbertsz voersz[egde] doot dit land ende den erfpacht voers[zegd] aen ons versoecken ende neme van ons nijenwe brieffven opten erfpacht en over
waerden voers[zegde] ende geven ons weder brieven alleens sprekende bezegelt mettes schout ende gerechts zegel van t Goeij en Houttem beijdt op zijn cost ende waert
zaecke dat dije selffde erfnae des nijet en dede off enich van den puncten voersz[egde] verbraeck zoe vrijel hij des gelijcks van alle rechts ende toezeggens dat tsij
hadde off hebben mochte aenden erfpacht des lants voersz[egd] alsoe verre als wij wouden in allen manieren als voers[zegd] staet ende tot wat tijden desen erffpacht
voersz[egd] copt op Gijsbert Quirijnsz[oon] voersz[egd] zijn wistaftige erffnaem van sijn lijve gecomen zijnde zoe sal die zelve erffnaem bij ons den andere broedere en zusteren
restitutie ende verstornigt doaen indien daer enijge zijn ende anders nijet tot onse moderatie ende zeggen ende Adrian Cornelis Claesz dochter remdehieerde[?]
ende schelde quijt alsulcke lijftochte ende lijftochten recht als zij aen t voern[oemd] lant hadde ende Gijsbert Quirijnsz[oon] maecte met sijne hant ende met onze handt
die wij om zijne beeden wille daer tot deden Marijken Cornelis van Spitthoven dochter sijn echte huijsfr[ouw] dit voern[oemde] landt ende erffpacht tot hoeren rechtel[ijke]
lijftocht ende in lijftochten recht soe verre zij lange lest dan Gijsbert Quirijns ende hoeren voersz[egd] ende and[er]s nijet op alzulcke pacht ende in aler
manieren voerwaerden verbanden ende opten als voersz[egd] zijn sonder argelist in oirconde des brieffs bezegelt met ons capittels zegel gegeve
int jaer onz heeren duijsent vijffhondert zevenenvijftich opten XIXen februarij des t oirconden die hebben wij scout __ Jan de Wit voorsz[egd] voer ons
zelven ende mede ter bede van Henrich Egbertsz onse zegelen aen desen brief gedaen ___ den XXIIIJen aprilis ano XVe zeven en vijftich | 