Allen den ghenden die desen brief zellen zien off hoeven lesen doe wij verstaen Jan Jansz schout Steven Andriesz, jonge Jan die Widt scepennen inden gerechte van
t goey ende Houten dat voer ons quam intgerechte Frederick Claesz ende belijden ende bekenden aldaer voer hem zijnen erven ende naecomelingen met zijn vrijen moet wille
vanden weerdigen heeren domkercken en[de] capittel der kercken ten dom t Uijtrecht in eenen erffpacht ontfangen te hebben vier mergen ende twee hondt lande gelegen inden
kerspel van Houthen voirsz[egd] ende beloefden aldaer aen onsen hande voir hem zijnen erven en naecomlingen den voorn[oemd]e heeren Domkercken en[de] capittel ofte huiven cleijnen
camerair inden tijdt jairlicx te betaelen derdenhalven ouden gouden vranckrijcksche scilt als anderhalve goede goude overlantsche koernvasten rijsche gulden van den
ouden schilt op seeckere termijnen voiwairden verbanden pemeijnde voirt in alle manieren als die erffpacht brieff gesegelt mit des capittels segel ten dom boven[de]
dair af inhoudt spreeckende van woirde te woirde aldu wij domdeecken en[de] capittel der kercken ten dom t Utrecht doen kondt allen luijden dat op huijden voir
ons in onse capittelhuijs gecomen is Wouter Luijtgensz tot houten ende droech op in onsen handen alle alsulcke recht en[de] toeseggen als hij enichsins hadde
ofte hebben mochte aenden erffpacht des landts hier naebescreven twelck hij lasten van ons in erffpacht gehadt en[de] gebruijct heeft ende als dit alsoe
wie voirsz[ gedaen was rechtenoirdt soe hebben wijtsijner begeerten in een ewigen erffpacht gegundt ende gegeven gunnen en[de] gheven mit desen
onsen brieven Frederick Claesz tot behoeff van Weijne des voirsz[egde] Wouter Luijtgensz dochter en[de] hoeren erffenamen dat voirsz[ landt te weten vier
morgen en[de] twee hondt lants alsoe die gelegen zijn inden gerechte van Houten opstreckende van Houtenschen wech tot aendes bisscops hoeve toe
daer boven oestworts die hoeve van Oudenmu[n]ster mit Steven Wijssz van Rossum ende westwerts Goijert Maessoen benden naestgelandt zijn
elcx siaers om derden halven ouden gouden Vranckrijcksche schilt als onderhalve goede goude overlantsche koersveste Rijnsche gulden die voer
datum sbrieffs gemunt en[de] geslagen zijn off paeijement huerweerden inder tijdt der betalinge voir elcken ouden scilt gereckent en[de] twee goede pacht
capoen te betalen deen helfte van den gelde mit alle de cappoen op sinte Meertensdach inden wijnter nu naestcomen[de] ende die ander helfte op s[in]te
peters dach ad cathedram daer naestvolgen[de] off bijne[n] enre maent nae elcken termijn voirsz[ ombegrepen ende soe voirt jairlicx effelick en[de]
ewelick vrijs gelts zonder enige offcortinge off ver[m]inderinge des voorsz[egd]e pachts ende alle scade ofte ongelde die op dit voirsz[e lant co[m]men
ofte uitgeset mochten werden nijet uijtgesond[er]t mit dusdanige voirwairden waird saicke dat Frederick Claessz voirsz[egd] ende zijn naeco[me]lingen
jairlicx den voirsz[egde] pacht ons vol ende all niet en betaelden tot sulcken termijne[n] en[de] in allen manie[ren] als voirsz[egd] zoe vieren zij allegader
van allen recht en[de] toeseggen dat zij hadden ofte hebben mochten aenden effpacht des lants voirsz[egd] ende zoe quam dat selve landt dan
weder vrij en[de] loss aen ons ende onsen kercken ten dom voirsz[egd] onsen vrijen wille dair mede te doen alsoe verre wij dat aennemen wouden ende anders
nijet behoudelicken nochtans ons den verseten pacht die ons dan afterstadich ende ombetaelt waere ons op te legge ende te betalen zonder weder
stijgen voirt zijnt voirwairden dat Frederick voirsz[egd] noch zijn naeco[me]lingen en zellen noch en moegen dit voirsz[egde] lant en[de] den erffpacht niet sceijden noch deijlen
noch vercoepen noch versetten noch versellennoch aen ijemant anders brengen noch in geenren ande[re] manie[re]n quijt werden buijten onsen consent ende wille
onder die peijne van vervalinge voirsz[egd] ende wanneer Frederick affliivich werdt zoe sel dese erffpacht voirsz[egd] comen alle geheel en[de] ongesceijden
op eene zijnen outste en[de] neaeste wiltaftige erffnaem gecomen wesende van Weijne zijn huijssvrouwe des voirsz[egd] Wouter Luijtgenssz dochter een
man hoeft naewe te wesen dan een wijsshoeft dair zij beijde eenen nae waen om alsulcken pacht en[de] hij alle mann[ier]en voirwaeren verbanden en[de] pene[?]
als voirsz[egd] zijn ende alsoe voort van erffnaem tot erffnaem ende die selve erffnaem sel bijnnen den eersten jaer nae dode Frederick voirsz[egd] dit landt
en[de] den erffpacht voirsz[egd] aen ons versoecken en[de] nemen van ons nijebrieven ende gheven ons wederbrieven alleens spreeckende opten erffpacht en[de] voirwairen
voirsz[egd] besegelt mit des gerechts segel van Houten op zijnen cost ende wairt saicke dat die selve erffnaemen des met en dede off enich van den puncten
voirsz[egd] verbrake soe viel hij des gelijcx van allen rechte en[de] toeseggen dat hij hadde ofte hebben mochte aenden erffpacht voirsz[egd] alsoe verre als wij wouden
in allen manie[re]n als voirsz[egd] is zounder alle argelist en[de] behouden altijt een ijegelicken zijns rechts in in kennisse der wairheijt zoe hebben wij desz[e] brieff
doen besegelen mit ons capittels segele gegeven int jair ons heeren duijss[end] vijffhondert vierendertich den vierentwijntichst[en] dach inden april ende
wij Jan Jansz schout Steven Andries en[de] jonge Jan die wit schepenen voirsz[egd] want ons kenlicken is dat alle puncten inden voerseijden erffpachts brieff
begrepen voir ons inden gerechte voirsz[egd] alsoe bekent ende geloeft zijn he[bben el]cx onse segellen aen desen brieff gehangen gegeven in jair ons heeren duijsent